भारतले पाकिस्तान जाने ३ वटा नदी बन्द गर्ने घोषणा (फोटो फिचर)

india-stopping-rivers

भारतले पुलवामामा भएको आतंवादी गतिविधिका कारण भारतबाट पाकिस्तान बग्ने ३ वटा नदी बन्द गर्ने घोषणा गरेको छ । यस खबरको जानकारी बिहिबार भारतका केन्द्रिय मन्त्री नीतीन गडकरीले दिएका हुँन् ।

पाकिस्तानलाई सिन्धुजल सम्झौता अन्तर्गत भारतले व्यास, रावी र सतलज नदीको पानी उपलब्ध गराउँदै आएको हो ।

satluj-river

rabi-river

beas-river

केन्द्रिय मन्त्री नीतीनले उक्त नदीको पानी अब भारतको पञ्जाब र जम्मु कश्मीरको नदीमा प्रवाह गर्ने स्पष्ट पारेका छन् ।

भारतले लिएको यो निर्णयको लागी जम्मु कश्मीरको शाहपुर–काँडी रवी नदीमा परियोजनाको काम सुरु भइसकेको केन्द्रिय मन्त्री नीतीनले बताएका छन् । यस परियोजनाको मद्दतमा कश्मीरमा रावी नदीको पानी संकलन गरि अन्य राज्यमा प्रवाहित गरिने मन्त्री गडकरीको कथन छ ।

मन्त्री गडकरीले यसअघि मंगलवार बागपतको एक कार्यक्रममा “देश विभाजन पछि भारत र पाकिस्तानले ३–३ वटा नदीको पानी प्रयोग गर्ने सहमति भएको थियो” भनेका थिए ।

यो सम्झौताअन्तर्गत भारतको भागमा आएका तीनवटा नदीको पानी पाकिस्तानतर्फ गइरहेको थियो। अब तीनवटै नदीमा परियोजना चालू गरेको र त्यहाँ जम्मा भएको पानी पञ्जाब र जम्मु कश्मीरका बासिन्दालाई उपलब्ध गराइने उनले जानकारी दिए। यसबाट यमुना नदीमा पानीको मात्रा पनि बढ्ने उनको कथन छ।

पुलवामा आक्रमणपछि भारतीय नागरिकले पाकिस्तानलाई सबक सिकाउनुपर्ने माग गर्दै आएका छन्। यस्तो बेला गडकरीले पाकिस्तान जाने नदी बन्द गर्ने घोषणा गरेका छन्।

भारत र पाकिस्तानबीच सन् १९६० मा सिन्धु जल सम्झौता भएको थियो। सम्झौतामा पूर्वतर्फ बग्ने नदी व्यास, रावी र सतलजका लागि भएको थियो। उक्त सम्झौताअन्तर्गत भारतले ३.३ करोड एकड फिट पानी पाउँछ भने पाकिस्तानले ८० करोड एकड फिट पानी पाउँछ। यसबाट भारतले भन्दा पाकिस्तानले निकै बढी पानी पाउँछ।

पाकिस्तानले यसअघि पनि भारतीय प्रधानमन्त्री मोदी द्धारा पानी रोक्ने चेताउनी पाइसकेको थियो । प्रधानमन्त्री नरेन्द्र मोदीले उरी आक्रमण पछि पानी र रगत सँग–सँगै बग्न सक्दैन भनेका थिए ।

Facebook Comments